آئی سی سی چیمپئنز ٹرافی  پاک بھارت کرکٹ مذاکرات 

اسلام آباد (نوائے وقت رپورٹ) شنگھائی تعاون تنظیم اجلاس (ایس سی او کانفرنس) کے موقع پر پاکستان اور بھارت کے درمیان بات چیت کا آغاز ہو گیا ہے؟۔ اس کی اندرونی کہانی سامنے آگئی ہے۔ ذرائع کے مطابق  پاکستان اور بھارت کے  وزرائے خارجہ کے درمیان بات چیت کرکٹ سے شروع  ہوئی۔ خیال رہے کہ پاکستان میں اگلے سال فروری میں آئی سی سی چیمپئنز ٹرافی منعقد ہو رہی ہے۔ ذرائع کے مطابق دونوں طرف سے اس بارے میں بات چیت کا  آغاز کر دیا گیا ہے۔ بھارت روانگی سے قبل بھارتی وزیر خارجہ کی پاکستانی وزیر خارجہ اسحاق ڈار سے غیر معمولی ملاقات ہوئی۔ ذرائع کے مطابق اسحاق ڈار اور جے شنکر کے درمیان ظہرانے پر بات چیت ہوئی۔