چیئرمین جوائنٹ چیفس آف سٹاف کمیٹی جنرل خالد شمیم وائیں کا پاک فضائیہ کے ایک آپریشنل ایئربیس کا الوداعی دورہ

لاہور(خبر نگار)چیئر مین جوائنٹ چیفس آف سٹاف کمیٹی جنرل خالد شمیم وائیں نے گزشتہ روز پاک فضائیہ کے ایک آپریشنل ائیر بیس کا الوداعی دورہ کیا۔ پاک فضائیہ کے سربراہ ائیر چیف مارشل طاہر رفیق بٹ بھی اس موقع پر ساتھ تھے۔ اس دورے کے دوران جنرل خالد شمیم وائیں نے بیس پر موجود جنگی فضائی عملہ اور ائیر مین کے ساتھ کچھ وقت گزارا۔ چیئر مین جوائنٹ چیفس آف سٹاف کمیٹی نے پاک فضائیہ کے دنیا کی دوسری جدید فضائی افواج میں بہترین مقام حاصل کرنے پر گہرے اطمینان کا اظہار کیا۔