اسلام آباد ( سپیشل رپورٹ) سعودی عرب کے نائب وزیر دفاع محمد بن عبداللہ نے گزشتہ روز پاک فضائیہ کے ہیڈ کواٹرز کا دورہ کیا۔ ائیر چیف مارشل سہیل امان نے ان کا استقبال کیا۔ سعودی عرب کے نائب وزیر دفاع نے دہشت گردی کے خلاف پاک فضائیہ کے کردار کی تعریف کی۔ انہوں نے پاک فضائیہکے سربراہ سے بات چیت کرتے ہوئے کہا کہ سعودی عرب ہر مشکل گھڑی میں پاکستان کے ساتھ کھڑا رہے گا۔ ائیر چیف مارشل سہیل امان نے کہا کہ پاکستان اور سعودی عرب کے درمیان گہرے برادرانہ مراسم ہیں۔ پاک فضائیہ سعودی عرب کی فضائیہ کی تربیت میں اپنا کردار جاری رکھے گی۔ سعودی نائب وزیر دفاع نے کہا کہ پاک فضائیہ کے بارے میں بھی بریفنگ دی گئی۔