ریوڈی جنیرو( آن لائن ) عالمی شہرت یافتہ گلوکارہ لیڈی گاگا شدید بیماری کے بعد ہسپتال منتقل ہوگئی ہیں جس کے باعث گلوکارہ نے برازیل کے سالانہ ’راک ان ریو‘ فیسٹیول میں اپنی شرکت بھی منسوخ کردی ہے۔لیڈی گاگا نے سماجی رابطے کی ویب سائٹ انسٹا گرام پر اپنے بازو کی تصویر شیئر کی جس پران کے ہاتھ میں ڈرپ لگی نظر آرہی ہے۔ لیڈی گاگا نے اپنی پوسٹ پر مداحوں کے نام پیغام میں کہا کہ میں آپ لوگوں کے لئے کچھ بھی کرسکتی ہوں لیکن اس وقت مجھے اپنی صحت کا خیال رکھنا ہے۔