کراچی(صباح نیوز)کراچی میں چھ روزہ انسدا د پولیو مہم کا آغاز ہو گیا ہے، مہم کے دوران ایک سو اٹھاسی یونین کونسلوں میں پولیو سے بچائو کے قطرے پلائیں جائیں گے ۔ مصروفیت کے باعث کمشنر کراچی مہم کا افتتاح نہیں کرسکے چھ روز مہم کے دوران بائیس لاکھ سے زائد پانچ سال سے کم عمر بچوں کو پولیو کے قطرے پلائے جائیں گے۔چھ روزہ مہم ایک سو اٹھاسی یونین کونسلوں میں چلائی جائے گی، اس دوران نو ہزار پولیو ٹیمیں ان یونین کونسلز میں پولیو سے بچا کے قطرے پلائیں گی، ٹیم چار افراد پر مشتمل ہو گی، مہم میں ٹیموں کی سیکیورٹی کے لئے چھ ہزار رینجرز اور پولیس اہلکار اپنے فرائض سرانجام دے رہے ہیں، انسداد پولیو مہم اکیس ستمبر تک جاری رہے گی۔دوسری جانب انتظامیہ کا کہنا ہے کہ جن لوگوں کو تحفظات ہیں وہ ہسپتال جا کر بچوں کو قطرے پلوائیں۔