کراچی (خصوصی رپورٹر) کئی سال سے لاپتہ افراد کے معاملے میں اہم پیش رفت ہوگئی۔ کئی برسوں سے لاپتہ 7افراد گھر پہنچ گئے۔ کراچی سے لاپتہ 31افراد میں سے 7افراد بازیاب ہوگئے ہیں۔ بازیاب ہونے والوں میں ناصر شاہ، محمد نعیم، مرتضی چانڈیو، شامل،محمد کاشف اور نعیم خورشید شامل ہیں۔ کمشن نے 2009سے لاپتہ محمد نعیم الیاس کی بازیابی کا ٹاسک صوبائی فورس کو منتقل کردیا۔مسنگ پرسنز کمشن نے دیگر لاپتہ افراد کو فوری بازیاب کرانے کا حکم دے دیا۔لاپتہ افراد کی بازیابی کا معاملہ یو این او اور سماجی تنظیموں کی جانب سے اٹھایا گیا تھا۔مسنگ پرسنز کمشن کا اجلاس جسٹس ریٹائرڈ غوث احمد کی سربراہی میں ہوا۔