ظالموں کے خلاف سینہ سپر ہوجانا حسینیت ہے‘ السید عالم زیدی

کراچی( نیوزرپورٹر) آل پاکستان ادارہ محفل حسینی کے تحت عشرہ محرم کی مجلس سے السید عالم زیدی نے کہا ہے کہ ظالم و جابر طاقتوں کے خلاف سینہ سپر ہوجانا حسینیتؓ ہے۔ ذکر حسینؓ پوری انسانیت کی بقاء کیلئے ہے‘ دنیا کو امام حسینؓ کا یہ درس یادرکھنا چاہئے کہ طاقت حق نہیں بلکہ حق طاقت ہے اس سے ٹکرانے والا ہردور کا یزید نیست و نابود ہوجائے گا۔ حسینؓ ہی وہ ہستی ہے جس کے پرچم تلے متحد ہو کر موجودہ چیلنجز کا مقابلہ کیا جاسکتاہے۔ امام حسین اوران کے عظیم رفقاء کی قربانیوں کا نتیجہ کہ آج دنیاکے ہر کونے میں ذکر حسینؓ ہورہا ہے۔