کراچی(آن لائن)کراچی میں پولیس نے مختلف کارروائیوں میں تین سٹریٹ کریمنلز کو گرفتار کرلیا۔ ملزمان کے قبضے سے اسلحہ، چھینے گئے موبائل فونز اور نقدی برآمد کرلی گئی۔ فیڈرل بی ایریا میں کار چور سی سی ٹی وی کیمرے سے بچنے کے لئے چہرہ چھپاکر گاڑی لے اڑا۔پاک کالونی پولیس نے بروقت کارروائی کرکے چمن سینما کے قریب شہری کو لوٹنے والے تین رکنی ڈکیت گروہ کو گرفتار کرلیا۔ ملزمان کے قبضے سے غیر قانونی اسلحہ،موبائل فونز اور نقد رقم بر آمد کی گئی۔ پولیس کے مطابق گرفتار ملزمان نے متعدد اسٹریٹ کرائمز کی وارداتوں کا انکشاف بھی کیا ہے۔