اسلام آباد ( نوائے وقت نیوز) آئندہ 24گھنٹوں کے دوران منگل کوملک کے بیشتر علاقوں میں موسم گرم اورمرطوب رہے گا۔ تاہم، ہزارہ، راولپنڈی ، اسلام آباد، گوجرانوالہ ڈویژن اور کشمیر میں بعض مقامات پر تیز ہوائوں/آندھی اور گرج چمک کیساتھ بارش کا امکان ہے۔گزشتہ 24 گھنٹوں کے دوران ملک کے بیشتر علاقوں میں موسم گرم اور مرطوب رہا۔ تاہم ہزارہ،راولپنڈی، گوجرانوالہ ، لاہور ڈویژن اور کشمیرمیں چند مقامات پر بار ش ہوئی۔ سب سے زیادہ بارش پنجابمیںمنگلا میں(42ملی میٹر) ہوئی جبکہ راولپنڈی اور اسلام آباد میں (37ملی میٹر ) ریکارڈ کی گئی۔پیر کو ملک میں سب سے زیادہ درجۃ حرارت سبی میں 44 سینٹی گریڈ جبکہ تربت میں 43 ،دادو، سکھراور ڈی آئی خان میں42 ڈگری سینٹی گریڈ ریکارڈ کیا گیا۔