پشاور(آن لائن) اگلے مہینے پشاور میں ہونے والی 33 ویں نیشنل گیمز کے لئے خیبر پختونخوا کی ٹیموں کے انتخاب کے لئے ٹرائلز شیڈول کا اعلان کر دیا گیا ہر گیم کے لئے فوکل پرسن کا تقرر کرتے ہوئے سلیکشن کمیٹیاں تشکیل دی گئی ہیں جن میں ڈائریکٹوریٹ سپورٹس اور ضم اضلاع کے سابق سیکرٹریز بھی شامل ہیں۔تربیتی کیمپ یکم سے 21 اکتوبر تک جاری رہے گا جس میں ٹیموں کا حتمی انتخاب کیا جائے گا۔ شیڈول کے مطابق آرچری کے ٹرائلز 28 ستمبر کو حیات آباد سپورٹس کمپلیکس میں ہوں گے سلیکشن کمیٹی میں قاضی اسد، سرفراز شامل ہیں، بیڈمنٹن ٹرائلز 24 اور 25 ستمبر کو خواتین ٹرائلز 26 ستمبر کو قیوم سپورٹس کمپلیکس میں ہوں گے سلیکشن کمیٹی میں امجد، صداقت، حیات اللہ شامل ہیں۔ بیس بال ٹرائلز 28 ستمبر کو حیات آباد سپورٹس کمپلیکس میں ہوں گے سلیکشن کمیٹی میں خالد خان، رحم بی بی، نصیب گل شامل ہیں۔ باسکٹ بال ٹرائلز 28 ستمبر کو پی ایس بی کوچنگ سنٹر میں ہوں گے سلیکشن کمیٹی میں دین محمد، محمد عمران، گل جمال، محمد ریاض شنواری، شفقت اللہ شامل ہیں۔ باڈی بلڈنگ ٹرائلز 27 ستمبر کو قیوم سپورٹس کمپلیکس میں ہوں گے سلیکشن کمیٹی میں طارق پرویز، شیراز احمد، سعید اللہ شامل ہیں۔ جمناسٹک ٹرائلز 21 اور 22 ستمبر کو ہوں پی ایس بی جمنازیم میں ہوں گے۔