ایبٹ آباد پریمیر لیگ کرکٹ ٹورنامنٹ کا فائنل چٹہ پل الیون کے نام

پشاور(آن لائن) ایبٹ آباد پریمیر لیگ فلڈ لائٹ کرکٹ ٹورنامنٹ کا فائنل چٹہ پل الیون نے میزبان الیون لیجنڈ کو دس رنز سے شکست دیکر ٹائیٹل اپنے نام کر لیا مہمان خصوصی فخر عالم خان نے کھلاڑیوں میں انعامات تقسیم کیے ایبٹ آباد میں کھیلے جانیوالے فائنل میں چٹہ پل الیون نے پہلے بیٹنگ کرتے ہوئے مقررہ آٹھ اوورز میں چار وکٹ کے نقصان پر 86رنز بنائے انکی جانب سے عامر چا چا نے بہترین بلے بازی کا مظاہرہ کرتے ہوئے شاندار 40رنز سکور کئے جبکہ فہد نے 36رنز بنائے جواب میں الیون لیجنڈ کی ٹیم ریاض آفریدی اور نجم الدین کی عمدہ بائولنگ کی بدولت 76رنز بناسکی اور چٹہ پل الیون نے دس رنز سے کامیابی حاصل کر کے ٹرافی اپنے نام کر لی ۔