شمالی وزیرستان میں آپریشن ‘2 دہشت گرد ہلاک

اسلام آباد(خبرنگار خصوصی)سیکیورٹی فورسز کے شمالی وزیرستان کے علاقے رزمک میں آپریشن کے دوران دو دہشت گرد ہلاک ہوگئے۔ پاک فوج کے تعلقات عامہ کے ادارے آئی ایس پی آر کے مطابق آپریشن دہشت گردوں کی مبینہ موجودگی کی اطلاع پر کیا گیا، آپریشن میں دو دہشت گرد ہلاک ہو گئے۔ دہشت گردوں سے بڑی مقدار میں اسلحہ اور بارود بھی برآمد ہوا، علاقے میں کلیرنس آپریشن شروع کردیا گیا ہے۔ آپریشن کا مقصد باقی بچ جانے والے دہشت گردوں کا خاتمہ ہے۔