شیخوپورہ(نمائندہ نوائے وقت) پیپلز پارٹی شیخوپورہ نے کہا ہے کہ جمہوریت کی مضبوطی اور سویلین بالادستی کیلئے پیپلزپارٹی کی قربانیاں تاریخ کا حصہ بن چکی ہیں ،پیپلزپارٹی نے ہمیشہ غریب طبقہ اور محنت کشوں کی بات کی اوراپنے ہر دور اقتدار میں عوامی ریلیف کی خاطر بھرپور اقدامات اٹھائے۔، نوائے وقت فورم میں اظہار خیال کرتے ہوئے پیپلز پارٹی کے ضلعی سینئر نائب صدر چوہدری خالق عزیز مت ورک ، ضلعی نائب صدر چوہدری منیر قمر واہگہ اور سٹی صدر و ٹکٹ ہولڈر صوبائی اسمبلی سید ندیم عباس کاظمی نے کہا کہ نواز لیگ نے اپنے دور اقتدار میں سڑکوں اور پلوں پر بے جا قومی دولت خرچ کی۔