لاہور(نامہ نگار)بھاٹی گیٹ کے علاقے میں ایک گھر میں چولہا پھٹنے سے آتشزدگی کی زد میں آکر 15 دن کی بچی کی ماں جھلس کر جاں بحق ہو گئی ہے ۔تفصیلات کے مطابق بھاٹی گیٹ کی رہائشی سعدیہ اپنی 15دن کی بیٹی کے ہمراہ اپنے باپ کے گھر آئی تھی۔ جہاں گزشتہ روز سوئی گیس کے چولہے پر کھانا گرم کرتے ہوئے اچانک چولہا پھٹنے سے سعدیہ کے کپڑوں میں آ گ لگ گئی۔ خاتون کی چیخ وپکار پر اہل خانہ اور محلہ داروں نے آگ بجھا کراسے طبی امداد کے لئے ہسپتال پہنچایا،مگر وہ جانبر نہ ہو سکی اور اس نے دم توڑ دیا ہے ۔ اطلاع ملنے پر پولیس نے موقع پر پہنچ کرنعش قبضے میں لے لی ۔