لندن(این این آئی )عمران خان کی سابقہ اہلیہ جمائما کے بھائی اور برطانوی وزیر لارڈ زیک گولڈ اسمتھ کو وزیرِ ماحولیات کے عہدے سے برطرف کر دیا گیا۔برطانوی میڈیا کے مطابق زیک گولڈ اسمتھ سے جانوروں کی فلاح وبہبودکی بریفنگ چھین لی گئی جس کے بعد اب وہ کابینہ میں شرکت نہیں کرسکیں گے البتہ وہ دفترخارجہ میں اپنا کردار بر قرار رکھیں گے۔برطانوی میڈیا کا کہنا ہے کہ زیک گولڈ اسمتھ نے اپنے الوداعی خط میں کہا  ہیکہ مجھے اپنا کام بیچ منجدھار چھوڑنے کا افسوس رہے گا۔زیک گولڈ اسمتھ سابق وزیراعظم بورس جانسن اور ان کی اہلیہ کے قریبی دوست ہیں۔