منڈا چوک،بورے والا (نامہ نگار، تحصیل رپورٹر، نمائندہ نوائے وقت) ایک موٹر سائیکل کار دوسرا جنگلے سے ٹکرا گیا، بچی جاں بحق،6افراد زخمی منڈا چوک سے نامہ نگار کے مطابق مظفرگڑھ ملتان روڈ پر محمود ملز کے قریب فلائی اوور پر حادثہ، چار سالہ بچی جاں بحق ، بچی کا باپ اور ایک سالہ بھائی شدید زخمی ہوگئے۔ تفصیل کے مطابقمظفرگڑھ ملتان روڈ پر موٹر سائیکل تیز رفتاری سے ٹرک کو کراس کرتے ہوئے روڈ کے ساتھ لگے ہوئے جنگلے سے ٹکرا گیا۔ جس کے نتیجے میں چار سالہ بچی مومنہ دختر باقرجاں بحق ہوگئی جبکہ ایک سالہ بچہ عزیر اور موٹر سائیکل سوار باقر  شدید زخمی ہوگئے۔بورے والاسے تحصیل رپورٹر، نمائندہ نوائے وقت کے مطابق لاہور روڈ پر کار اور موٹر سائیکل میں ٹکر سے تین بچوں سمیت چار افراد شدید زخمی ہو گئے اللہ دتہ سکنہ 261ای بی اپنی بغیر ہیڈ لائٹ موٹر سائیکل پر سوار ہو کر لاہورروڈ پر بچوں سمیت جا رہا تھا کہ کار سے ٹکرا گیا جس کے نتیجہ میں چاروں افراد شدید زخمی ہوگئے جنہیں تحصیل ہیڈ کوارٹر ہسپتال منتقل کر دیا گیا ۔
 بچی جاں بحق