گوجرانوالہ(نمائندہ خصوصی)چیمبر الیکشن میں فاﺅنڈر اتحاد گولڈن گروپ کے امیدوار ایسوسی ایٹ کلاس ظفر اقبال ڈار نے علی پور چٹھہ سے تعلق رکھنے والے تاجروں‘ صنعتکاروں مدثر بٹ‘ کاشف محمود‘ راشد محمود اور شعیب احمد ورک سے ملاقات کی اور انہیں فاﺅنڈر اتحاد گولڈن احساس یونٹی گروپ کے پروگرام سے آگاہ کیاجس سے اتفاق کرتے ہوئے مذکورہ تاجروں صنعتکاروں نے چیمبر الیکشن میں فاﺅنڈر اتحاد گولڈن گروپ کی حمایت کا اعلان کردیا ہے۔ظفر اقبال ڈار نے کہا ہے کہ ہمارے مد مقابل بھی بزنس کمیونٹی کے لوگ ہیں ہماری ان سے کوئی ذاتی لڑائی یا دشمنی نہیں اور نہ ہی ہم کسی کے ذاتی کردار بارے کچھ کہنا چاہتے ہیں اختلاف صرف سو چ اور ویژن کا ہے ہم چاہتے ہیں کہ اس فورم پرتمام ممبران کے مسائل حل ہونے چاہئیں۔ انہوں نے کہا کہ چھوٹے اور بڑے بزنس مین میں تفریق نہ کی جائے اور ہر ممبر کی عزت نفس کا خیال رکھا جائے اور اس کے فوائدتمام ممبران کو پہنچنے چاہئیں ۔ انہوں نے کہا کہ گوجرانوالہ شہر جو کہ بڑا صنعتی شہر ہے اس کے جائزحقوق کے لئے آواز بلند کی جائے۔
اور اس سب کے حصول کےلئے موجودہ رجیم کو تبدیل کرنا بہت ضروری ہے۔