ریاض (این این آئی )سعودی عرب میں ایک آٹھ سالہ سعودی بچی کی وڈیو سوشل میڈیا پر وائرل ہے جس نے اپنے چھوٹے بھائی کو یقینی موت سے بچا لیا۔غیرملکی خبررساں ادارے کے مطابق وائرل وڈیو میں دیکھا جا سکتا ہے کہ گھر کے صحن میں بچوں کے ساتھ کھیلتے ہوئے ایک بچے نے کوئی چیز نگل لی تھی۔ اسے سانس لینے میں مشکل پیش آرہی تھی۔آٹھ سالہ سالہ بہن نے فوری طور پر اپنے چھوٹے بھائی کو ابتدائی طبی امداد فراہم کی۔ اس نے بھائی کو کمر پکڑ کیا اوپر نیچے اچھالنے کی کوشش کی۔ اس عمل سے چھوٹا بھائی باآسانی سانس لینے لگا۔