لاہور( لیڈی رپورٹر) یونیورسٹی آف ویٹرنری اینڈاینیمل سائنسز لا ہو ر کے بزنس انکیو بیشن سنٹر نے گزشتہ روز لاہور یونیورسٹی آف مینجمنٹ سائنسز (لمز) اور یو ایس اسٹیٹ ڈیپا رٹمنٹ کے باہمی اشتراک سے سٹی کیمپس میں تعبیر آن سائٹ ورکشاپ کا انعقاد کیا گیا ۔ صدارت ڈین فیکلٹی آف ویٹر نری سائنس پروفیسر ڈاکٹر انیلہ ضمیردرا نی نے کی دیگر شخصیات میں یو نائٹڈ اسٹیٹ ڈیپا رٹمنٹ سے فارن سروس آفیسرمونیقا برن نے مہمان خصو صی کے فرائض انجام دئیے‘ڈین فیکلٹی آف با ئیو سائنسز پروفیسر ڈاکٹر حبیب الرحمن،رجسٹرار سجاد حیدر، ڈائریکٹر بزنس انکیوبیشن سینٹر ڈاکٹر محمد حیات  جسپال کے علا وہ یونیورسٹی کے مختلف کیمپسز اور شعبہ جات سے سینئرز اسا تذہ کی بڑی تعداد نے شر کت کی۔ پروفیسر ڈاکٹر انیلہ ضمیر درا نی نے لمز کے نمائندوں سے کہا بز نس انکیو بیشن سینٹر کے ہیومن ریسورس کو ٹرینڈ کرنے کیلئے اپنے ماہرین کا آپس میں تبادلہ کریں۔ ڈاکٹر محمد حیات  جسپال نے کہا ویٹر نری یونیورسٹی کا بزنس انکیو بیشن سینٹر نوجوان طلبہ میں اپنا کاروبار شرو ع کرنے سے متعلقہ صلا حیتو ں کو اجا گر کرنے کیلئے بنا یا گیا۔قبل ازیں ڈپٹی ڈائریکٹر بزنس انکیو بیشن سینٹر مسٹر قیصر حسین نے اپنی پریزنٹیشن دی اور کی پر فارمنس انڈیکیٹر سے متعلقہ مختلف پہلو ؤ ں پر تفصیلی روشنی ڈالی۔