نوشہرہ ورکاں(نامہ نگار)گیپکو سب ڈویژن تتلے عالی کے میٹر انسپکٹر کو 7 افراد نے اغواء کر کے بدترین تشدد کا نشانہ بنا ڈالا۔ تفصیلات کے مطابق تتلے عالی میں تعینات میٹر انسپکٹر مرتضیٰ بھٹی کو مسلح افراد اغواء کر کے نبیل گورائیہ کی حویلی میں لے گئے اور اس پر ڈنڈے مار کر تشدد کرتے رہے اور شدید زخمی کر دیا، ایس ڈی او سب ڈویژن تتلے عالی فہد حسین کی رپورٹ پر تھانہ تتلے عالی میں ملزموں کے خلاف مقدمہ درج کر لیا گیا۔ بتایا گیا ہے کہ ملزم نبیل کیخلاف قبل ازیں بجلی چوری کا مقدمہ ہے میٹر انسپکٹر مرتضی بھٹی موٹروں کی چیکنگ کے سلسلہ میں گیا ہوا تھا کہ نبیل وغیرہ اغواء کر کے لے گئے  اور ڈیرے پر لے جا کر تشدد کیا گیپکو ملازمین نے سی پی او گوجرانوالہ سے مطالبہ کیا گیا ہے کہ اغواء اور تشدد کے واقعہ میں ملوث ملزموں کو گرفتار کیا جائے۔