فیروزوالہ (نامہ نگار) تھانہ فیکٹری ایریا کے علاقہ کوٹ پنڈی داس کے نزدیک ڈاکووں کے گروہ نے مزاحمت کرنے پر فائرنگ کر کے ایک شخص عبدالرشید کو قتل اور اس کے بھائی عبدالوحید کو شدید زخمی کر دیا اور فائرنگ کرتے ہوئے فرار ہو گئے اہل علاقہ کے مطابق یہ وقوعہ علاقہ میں پولیس کا گشت نہ ہونے کی بنا پر پیش ایا دونوں بھائی موٹرسائیکل پر اپنے گھر کی طرف جا رہے تھے جس کے راستہ میں بھٹہ کے نزدیک ڈاکوؤں نے انہیں لوٹ لیا اور ان سے ڈیڑھ لاکھ روپے اور دو قیمتی موبائل فون چھین لیے  تو ایک بھائی نے  ڈاکو کو جرات کا مظاہرہ کرتے ہوئے قابو کر لیا جس پر دوسرے ڈاکو نے اندھا دھند فائرنگ کر دی جس سے 45 سالہ عبدالرشید جان بحق اور اس کا بھائی شدید زخمی ہو گئے پولیس نے نعش  پوسٹ مارٹم کے لیے سول ہسپتال پہنچا دی ہے جبکہ زخمی کو تشویشناک حالت کی بنا پر میو ہسپتال ریفر کر دیا گیا۔