لاہور: پیٹرولیم مصنوعات کی قیمتوں میں کمی کے بعد پنجاب میں ٹرانسپورٹ کے کرایوں میں 30 سے 70 روپے تک کمی کر دی گئی ہے۔

تفصیلات کے مطابق صوبائی وزیر اطلاعات عظمیٰ بخاری کا کہنا تھا کہ جب پیٹرول کی قیمت میں کمی ہوتی ہے۔ مریم نواز اور انکی ٹیم کرایوں میں کمی کے لیے متحرک ہوتی ہے۔ مریم نواز اس بات کو یقینی بناتی ہیں کہ کرایوں میں ہر صورت کمی ہو۔عظمیٰ بخاری نے کہا کہ پیٹرول سستا ہونے پر پنجاب کے علاوہ کسی صوبے میں کرایوں میں کمی نہیں ہوئی، پنجاب واحد صوبہ ہے جہاں زائد وصول کرایہ مسافروں کو واپس دلایا جاتاہے۔انہوں نے کہا کہ مریم نواز کی ہدایات کے مطابق  کرایوں میں کمی کا فوری اطلاق کردیا گیا۔ بس اڈوں پر ضلعی انتظامیہ کی ٹیمیں کرایوں کا شیڈول  چیک کررہی ہیں، ٹرانسپورٹرز کو بھی حکومت کے ساتھ تعاون کرنا چاہیے۔وزیراطلاعات پنجاب عظمیٰ بخاری نے مزید کہا کہ مریم نواز کرایوں میں کمی کی  صورتحال خود مانیٹر کررہی ہیں۔