کرکٹر عمر اکمل کے ولیمہ کی تقریب سیاسی، سماجی، کھیلوں اور شوبز سے وابستہ اہم شخصیات کی شرکت

لاہور (سپورٹس رپورٹر) پاکستان کرکٹ ٹیم کے بلے باز عمر اکمل کے ولیمہ کی تقریب گزشتہ روز لاہور کے مقامی فارم ہائوس میں منعقد ہوئی جس میں سیاسی، سماجی، کھیلوں اور شوبز سے وابستہ افراد کی کثیر تعداد نے شرکت کی۔ ولیمے کے موقع پر عمر اکمل نے بلیو سوٹ جبکہ نور آمنہ نے گولڈن رنگ کا لہنگا زیب تن کر رکھا تھا۔ عمر اکمل نے تقریب میں شرکت کے لیے تمام آنے والے مہمان کا خود استقبال کیا۔ ولیمہ کی تقریب میں سابق چیئرمین پی سی بی شہریار خان اور خالد محمود، کپتان مصباح الحق، ذاکر خان، قومی ٹیم کے موجودہ اور سابق کرکٹرز محمد آصف، محمد عامر، سلمان بٹ، توفیق عمر، قومی ٹیم کے بائولنگ کوچ  محمد اکرم، مشتاق احمد، اعجاز احمد، اظہر زیدی، سابق کپتان انضما م الحق، معین خان، محمد حفیظ، وہاب ریاض، سہیل تنویر، نوائے وقت گروپ کے جنرل منیجر مجاہد حسین سید، اشرف خان، گلوکار ابرار الحق سمیت انکے قریبی عزیزو اقارب شامل تھے۔