لاہور(سپورٹس رپورٹر) پاکستان ٹیبل ٹینس فیڈریشن نے ڈس ایبلڈ ٹیبل ٹینس چیمپئن شپ کرانے کا فیصلہ کیا ہے۔ پاکستان ٹیبل ٹینس فیڈریشن کے مطابق پی ٹی ٹی ایف کے صدر سید سبطین سے ڈس ایبلڈ کھلاڑیوں نے ملاقات کی، انہوں نے فیڈریشن کو ہدایت جاری کی کہ جلد ڈس ایبلڈ ٹیبل ٹینس چیمپئن شپ کا انعقاد کیا جائے، انہوں نے کہا کہ تمام ڈس ایبلڈ کھلاڑی ایونٹ کیلئے تیاری شروع کر دیں، ٹورنامنٹ کے شیڈول کا اعلان جلد کیا جائیگا۔