لاہور (نمائندہ سپورٹس) پاکستان کرکٹ بورڈکے زیر اہتمام پیٹرنز ٹرافی گریڈ ٹو ٹورنامنٹ کے سیمی فائنل کے پہلے دن زرعی ترقیاتی بنک لمیٹڈ نے سٹیٹ بنک آف پاکستان کے خلاف سات وکٹوں کے نقصان پر 143رنز بنا لئے ہیں ۔ زرعی ترقیاتی بنک نے ٹاس جیت کر بلے بازی کا فیصلہ کیا۔ سعد نسیم 48‘عثمان اشرف 29رنزبنانے میں کامیاب ہوئے ہیں ۔ سٹیٹ بنک کی جانب سے عمید آصف نے تین اور نذر حسین نے دو کھلاڑیوں کو آئوٹ کیا ۔ دوسرے سیمی فائنل میں غنی گلاس کی ٹیم کے پی ٹی کے خلاف پہلی اننگز میں 241رنز بناکر آئوٹ ہو گئی ۔ کے پی ٹی نے ایک وکٹ پر 2رنز بنالئے ہیں ۔ کے پی ٹی نے ٹاس جیت فیلڈنگ کا فیصلہ کیا ۔ غنی گلاس کی ٹیم80.1اوورز میں241رنز بناکر پویلین لوٹ گئی ۔ محمد ظہیر 81‘طیب طاہر 50‘علی عثمان 29اور آفاق شاہد نے 21رنز بنائے ۔ کے پی ٹی کی طرف سے حسبان جاوید نے پانچ ‘راشد حنیف اور بابر رحمٰن نے دو دو کھلاڑیوں کو آئوٹ کیا ۔