قومی ریسلر ز آج صبح ساڑھے سات بجے وطن واپس پہنچیں گے

لاہور (نمائندہ سپورٹس) قومی ریسلنگ ٹیم آسٹریلیا میں منعقدہ کامن ویلتھ گیمز میں شرکت کے بعد آج وطن واپس پہنچے گی ۔ ریسلرز کے والہانہ استقبال کیلئے تیاریاں مکمل کر لی گئی ہیں ۔ ریسلر محمد انعام بٹ نے گیمز میں پاکستان کیلئے واحد طلائی تمغہ حاصل کیا ۔ طیب رضا ‘محمد بلال نے کانسی کے تمغے جیتے تھے ۔ پاکستان ریسلنگ فیڈریشن کے سیکرٹری محمد ارشد ستار نے بتایا کہ ریسلرز نے گیمز میں اچھے نتائج دے کر عالمی سطح پر ملک کا نام روشن کیا ہے اب ہم قومی ہیروز کا پرتپاک استقبال کریں گے ۔ قومی ٹیم آج صبح ساڑھے سات بجے علامہ اقبال ایئر پورٹ لاہور پہنچے گی ۔