لاہور (پ ر) یونیورسٹی آف سنٹرل پنجاب میں گزشتہ دنوں نامور پاکستانی کرکٹرز کے ساتھ ایک انٹرایکٹو نشست منعقد کی گئی۔ آل رائونڈر فہیم اشرف اور فاسٹ بائولر حسن علی جو کہ پنجاب گروپ آف کالجز اور یو سی پی کے ایلومینائی بھی ہیں اس نشست کے مہمان خصوصی تھے۔ انڈر 16 کے کپتان عمرایمان نے بھی سیشن میں شرکت کی۔ میزبانی زوہیب اظہر نے کی۔ کرکٹرز نے تجربات طالب علموں کے ساتھ شیئر کئے اور ان تربیتی سیشنز اور عوامل کا ذکر کیا جن سے وہ اپنی بھرپور توجہ فٹنس اور ٹریننگ پر مرکوز کئے ہوئے ہیں۔ حسن علی نے کہا کہ ہم ورلڈ کپ کیلئے مکمل طور پر تیار ہیں۔ ہمارے حوصلے اور امیدیں بلند ہیں اور ورلڈ کپ جیتنے کی بھرپور کوشش کریں گے۔