سول لائنز ڈویژن پولیس نے گذشتہ ہفتہ میں مختلف جرائم میں ملوث121ملزمان گرفتار کئے

لاہور(نامہ نگار) سول لائنز ڈویژن پولیس نے گذشتہ ہفتہ کے دوران مختلف جرائم میں ملوث121ملزمان گرفتار کر لیئے۔6 ڈکیت و چور گینگز کے 17 ملزمان کو گرفتار کر کے ان کے قبضہ سے17 لاکھ77 ہزار روپے مالیت کی ریکوری کی گئی۔7ملزمان کو گرفتارکر کے ان کے قبضہ سے6پسٹلز اور گولیاںبرآمدکی گئیں۔12ملزمان کو گرفتار کر کے ان کے قبضہ سے2کلو600گرام ہیروئن، 2 کلو گرام سے زائدچرس،3 کلو بھنگ اور36 لیٹر شراب برآمد کی گئی۔ ڈکیتی،چوری، امانت میں خیانت،دھوکہ دہی،چیک ڈس آنر سمیت مختلف مقدمات میں مطلوب19اشتہاری مجرمان کوگرفتار جبکہ 32 عدالتی مفروران کو بھی حراست میں لیا گیا۔4 قمار بازوں کو گرفتار کر کے دائو پر لگی ہزاروں روپے رقم برآمد کی گئی۔پتنگ بازی،ون ویلنگ، ہوائی فائرنگ، پرائس کنٹرول اور لائوڈسپیکر ایکٹ کی خلاف ورزی پر17 ملزمان کوبھی گرفتار کیاگیا۔