ون ڈے اور ٹی20 سیریز جیتنے کے بعد قومی ٹیم کا جشن

لاہور(سپورٹس رپورٹر )پاکستان کرکٹ بورڈ نے قومی ٹیم کے جنوبی افریقہ کے کامیاب دورے کے بعد قومی سکواڈ کے جشن کی ویڈیو شیئر کردی۔پی سی بی کی جانب سے ٹوئٹر پر جاری ویڈیو میں دیکھا جاسکتا ہے کہ قومی سکواڈ نے سیریز جیتنے کے بعد کیک کاٹا اور خوشی کا اظہار کیا۔ٹویٹ میں یہ بھی کہا گیا کہ قومی ٹیم نے میزبان اور ہوٹل انتظامیہ کے ہمراہ اپنے کامیاب دورے کا جشن منایا۔ پاکستان کرکٹ ٹیم نے کپتان بابر اعظم کی قیادت میں جنوبی افریقہ کے خلاف شاندار کارکردگی دکھاتے ہوئے ون ڈے اور ٹی ٹونٹی انٹرنیشنل میچوں کی سیریز جیتی۔قومی کرکٹ ٹیم کے کھلاڑیوں اور کوچنگ سٹاف نے جوہانسبرگ کے ہوٹل کی مینجمنٹ اور سٹاف کو تقریب کے دوران شرٹس اور شیلڈ بھی پیش کیں ۔بعدا زاں انہیں کیپش بھی پہنائی گئیں ۔