الحمدللہ! سیریز جیت کر پاکستان نے تاریخ رقم کردی: بابر اعظم

لاہور(سپورٹس رپورٹر )ون ڈے کرکٹ کے نمبر ون بلے باز اور قومی کرکٹ ٹیم کے کپتان بابر اعظم نے کہا ہے کہ پاکستان نے جنوبی افریقہ کیخلاف ٹی ٹونٹی سیریز جیت کر تاریخ رقم کردی۔بابر اعظم نے جنوبی افریقہ کے خلاف ٹی ٹونٹی سیریز جیتنے کے بعد اپنے تصدیق شدہ ٹوئٹر اکاؤنٹ پر میچ کے چند حسین اور یادگار لمحات کی تصویریں شیئر کیں۔کپتان بابر اعظم نے تصویریں شیئر کرتے ہوئے اپنے ٹوئٹ میں لکھا کہ ’الحمدللہ! سیریز جیت کر پاکستان نے تاریخ رقم کردی۔اْنہوں نے لکھا کہ ’جادو اس وقت ہوتا ہے جب آپ ہار ماننے سے انکار کرتے ہیں۔بابر اعظم نے شاندار پرفارمنس پر فخر زمان، محمد رضوان اور فہیم اشرف سمیت پوری ٹیم کی تعریف کی۔کپتان بابر اعظم نے مزید کہا کہ ’چیمپیئنز! مجھے آپ پر فخر ہے۔