ننکانہ : رائل کنگ کبڈی کلب امریکہ نے بابا گورونانک انٹرنیشنل کبڈی لیگ جیت لی

ننکانہ صاحب( نمائندہ نوائے وقت+نامہ نگار+نامہ نگار خصوصی) ننکانہ صاحب میںتین روز تک جاری رہنے والی بیساکھی میلے کی تقریبات کے دوران بھارت سمیت دنیا بھر سے آئے سکھ یاتریوں کیلئے ضلعی انتظامیہ کے زیر اہتمام بابا گورونانک انٹر نیشنل کبڈی لیگ کا انعقاد کیا گیا۔اس موقع پر ڈپٹی کمشنر ننکانہ صاحب زاہد پرویزوڑائچ،ڈسٹرکٹ پولیس آفیسر کیپٹن (ر)منصورامان،اسسٹنٹ کمشنر ننکانہ ڈاکٹر زینب طاہر،چیف آفیسر ضلع کونسل ساجد مشرف،ڈسٹرکٹ سپورٹس آفیسر اظہر محمود،  صدر پریس کلب ننکانہ صاحب چوہدری افضل حق خاں  سمیت دنیا بھر سے آئے سکھ یاتریوں کی کثیر تعداد نے شرکت کی۔ فائنل میچ ننکانہ صاحب کبڈی کلب اورامریکہ رائل کنگ کبڈی کلب کے درمیان کھیلا گیا 42-37کے مقابلہ کے بعد رائل کنگ کبڈی کلب امریکہ نے جیت لیا ۔