اسلام آباد(اے پی پی)ملک میں زرعی ٹریکٹروں کی پیداواراورفروخت میں رواںمالی سال کے پہلے 9 ماہ میں گزشتہ مالی سال کی اسی مدت کے مقابلہ میں اضافہ ریکارڈکیاگیاہے۔آل پاکستان آٹومینوفیکچررز ایسوسی ایشن کے مطابق جولائی سے مارچ تک ملک میں 41,872یونٹس زرعی ٹریکٹروں کی پیداوار اور41,603یونٹس کی فروخت ریکارڈکی گئی جوگزشتہ مالی سال کی اسی مدت کے مقابلہ میں بالترتیب 13.47 فیصد اور12.06 فیصدزیادہ ہے، گزشتہ مالی سال کی اسی مدت میں ملک میں زرعی ٹریکٹروں کی 36,900یونٹس پیداواراور37,123یونٹس کی فروخت ریکارڈکی گئی تھی۔