راولپنڈی(اپنے سٹاف رپورٹر سے)دارالعلوم تعلیم القرآن راجہ بازار راولپنڈی کے ناظم مولانا گوہر رحمن کے مطابق دارالعلوم کی مسجد میں دورہ تفسیر کا اختتام اور نماز تراویح میں قرآن پاک کی تلاوت کی تکمیل کے سلسلہ میں پچیسویں شب کو مہتمم مدرسہ مولانا اشرف علی کی زیرصدارت خصوصی اجتماع ہوگا،اس عظیم الشان پروقار اجتماع سے اشاعت التوحید والسنہ کے مرکزی رہنما ء علامہ عطا اللہ بندیالوی اور مفسر قرآن مولانا امان اللہ خان خصوصی خطاب کرینگے۔دورہ تفسیر کا آغاز یکم شعبان سے ہوا اور چوبیس رمضان تک باقاعدگی کیساتھ پڑھایا جاتا رہے گا ، امتحان میں کامیاب ہونیوالے طلباء کو مولانا اشرف علی کی جانب سے دینی کتب کیساتھ ساتھ خصوصی انعامات بھی دیئے جائیں گے۔