کامرہ کینٹ،نامعلوم افراد کی گاڑی پر فائرنگ،نوجوان جاں بحق 

کامرہ کینٹ(نامہ نگار)کامرہ کے قریب نیواٹک ہٹیاں روڈ پرجی ٹی روڈ موڑ میں نامعلوم افراد کی گاڑی پر فائرنگ کے نتیجے میں 35سالہ احسن ولد محمد اشرف سر پر گولیاں لگنے سے موقع پر جاں بحق ہو گیا ، وقوعہ کی اطلاع ملتے ہی ایس ایچ او تھانہ حضرو مظہر الاسلام ، انچارج ایچ آئی یو حارث عمیر اور کرائم سین یونٹ جائے وقوعہ پر پہنچ گئے ، نوائے وقت کو ذرائع نے بتایا کہ مقتول شام پانچ بجے کے قریب کامرہ ہٹیاں کے پاس مکینک کے پاس گاڑی ٹھیک کروانے کیلئے جا رہا تھا کہ کار میں سوار نامعلوم افراد نے پیچھا کرتے ہوئے نیو ہٹیاں روڈ پر جی ٹی روڈ موڑ کے قریب فائرنگ کردی جو مقتول کو گولیاں سر پر لگیں اور وہ موقع پر ہی جاں بحق ہوگیا۔ ریسکیو 1122 کی ایمبولینس نے ضروری کارروائی کے بعد لاش کو تحصیل ہیڈ کوارٹر ہسپتال حضرو منتقل کی ادھر ذرائع نے بتایا کہ موقع پر موجود افراد نے ملزمان کی گاڑی کا نمبر نوٹ کر لیا تھا جس کو ٹریس کر لی گیا ہے ۔