نارنگ : ریلوے سٹیشن پر صفائی ستھرائی کے انتہائی ناقص انتظامات

نارنگ منڈی(نمائندہ نوائے وقت) مقامی ریلوے سٹیشن پر صفائی ستھرائی کے انتظامات انتہائی ناقص پینے کا صاف پانی بھی میسر نہیں اہل علاقہ کا شدید احتجاج اعلی حکام سے نوٹس لینے کا مطالبہ تفصیل کے مطابق نارنگ شہر کے وسط میں واقع ریلوے سٹیشن پر گندگی کے انبار ہیں ہر طرف کوڑے کرکٹ کے ڈھیر نظر آرہے ہیں ہر طرف تعفن بدبو کا راج ہے متعدد بار ریلوے حکام کی توجہ مبذول کرائی گئی مگر عدم توجہ سستی غالب رہی یہاں تک کہ مسافروں کیلئے پینے کا صاف پانی بھی میسر نہیں جس سے مسافروں کو شدید مشکلات کا سامنا ہے اہل علاقہ نے شدید احتجاج کرتے ریلوے حکام سے مطالبہ کیا ہے کہ ریلوے سٹیشن پر صفائی ستھرائی کے انتظامات بہتر بنائیں جائیں ۔