سکھ یاتریوں کیلئے گوردوارہ روہڑی صاحب ایمن آباد میںمیڈیکل کیمپ قائم

گوجرانوالہ(نمائندہ خصوصی )ریسکیو 1122گوجرانوالہ نے ڈسٹرکٹ ایمرجنسی آفیسر میاں رفعت ضیاء کی زیر نگرانی دوسرے ممالک سے آئے سکھ یاتریوں کو گوردوارہ روہڑی صاحب ایمن آباد میںایمرجنسی میڈیکل کور فراہم کیا۔ جس میں ریسکیو 1122 گوجرانوالہ کی جدید میڈیکل آلات سے لیس ایمبولینسز، فائر وہیکلز اور واٹر ریسکیو وہیکل کے علاوہ گوردوارہ روہڑی صاحب کے اندرریسکیوپوسٹ اور میڈیکل کیمپ قائم کیا گیا ۔ اس موقع پر 20 سے زائدریسکیواہلکاروں نے ڈیوٹی سر انجام دی۔ مذہبی رسومات کی ادائیگی کے دوران28 سکھ یاتریوں کو طبی امداد دی جبکہ1 سکھ یاتری کو ہسپتال منتقل کیا گیا۔