لاہور(خبرنگار)سیکرٹری بلدیات ڈاکٹر ارشاد احمد نے کہا ہے کہ عید الفطر کے موقع پر صفائی ستھرائی کے بہترین انتظامات کیے جائیں وہ پیر کے روز سول سیکرٹریٹ میں لوکل گورنمنٹس کے چیف افسران سے ویڈیو لنک کانفرنس کر رہے تھے۔انہوں نے چیف افسران کو ہدایات جاری کیں کہ عید کے موقع پر صاف ستھرے ماحول کو یقینی بنانے کے لیے مربوط حکمت عملی کے تحت کام کریں۔عید گاہوں اور متعلقہ روٹس کی مکمل صفائی کی جائے جبکہ دھلائی کے بعد فنائل اور چونا بھی ڈالا جائے انہوں نے مزید کہا کہ عید گاہوں کے تمام راستوں پربلڈنگ مٹیریل اور تجاوزات فوری طور پر ہٹائے جائیں اورسڑکوں، گلیوں،محلوں میں سیوریج کے گٹروں پرڈھکن یقینی بنائے جائیں۔سیکرٹری بلدیات نے پنجاب بھر کے چیف افسران کو ہدایت کی کہ صفائی ستھرائی کے لیے خصوصی پلان مرتب کریں۔وہ سٹریٹ لائٹس ،پیچ ورک اور دیگر کام اپنی نگرانی میں مکمل کروائیں۔