لاہور(سپورٹس رپورٹر)وزیر اعلی پنجاب کے مشیر برائے کھیل وہاب ریاض نے نوجوان پاکستانی کوہ پیما شہروزکاشف اور نائیلہ کیانی کو نیپال میں دنیا کی دسویں بڑی چوٹی اناپورنا سر کرنے پر مبارکباددی ہے،ڈائریکٹر جنرل سپورٹس پنجاب ڈاکٹر آصف طفیل نے بھی نوجوان کوہ پیماو¿ں کو مبارکباد دی ہے، مشیر کھیل پنجاب وہاب ریاض نے پیر کے روز نوجوان کوہ پیماو¿ں شہروزکاشف اور نائیلہ کیانی کے نام اپنے تہنیتی پیغام میں کہا ہے کہ نوجوان پاکستانی کوہ پیماو¿ں نے 8091ہزار میٹر بلند چوٹی اناپورنا سر کرکے بڑا کارنامہ سرانجام دیا ہے، دنیا کے کم عمرترین کوہ پیماشہروزکاشف 8ہزار میٹر سے بلند 11چوٹیاں سر کرچکے ہیں جوکہ پاکستان کیلئے باعث فخر ہے جبکہ نائیلہ کیانی نے اناپورنا چوٹی سر کرنیوالی پہلی پاکستانی خاتون کوہ پیماکا اعزاز حاصل کیا ہے، دونوں پاکستانی نوجوان کوہ پیماو¿ں نے اناپورنا چوٹی سرکرکے پاکستان کا نام دینا میں بلند کیا ہے،شہروزکاشف اور نائیلہ کیانی جیسے نوجوان ملک کا سرمایہ ہیں، پوری قوم ان کی مزید کامیابیوں کے لئے دعاگو ہے۔ڈائریکٹر جنرل سپورٹس پنجاب ڈاکٹر آصف طفیل نے اپنے تہینیتی پیغام میں کہا ہے کہ شہروزکاشف اور نائیلہ کیانی کی کامیابی قوم کیلئے اعزاز ہے، شہروزکاشف بلند حوصلہ کوہ پیما ہیں،محنت اور لگن سے کامیابی کا حصول آسان ہوجاتا ہے، دونوں نوجوان کوہ پیماو¿ں نے یہ سچ کردکھایا ہے،شہروز کاشف اور نائیلہ کیانی نوجوانوں کے لئے مثال ہیں،نوجوان اس طرح کی سرگرمیوں میں زیادہ سے زیادہ حصہ لیں اور پاکستان کا نام روشن کریں۔