امریکا میں غلط گھر کی بیل بجانے پر شہری کی سیاہ فام نوجوان پر فائرنگ

امریکا کی ریاست میسوری کے شہر کینساس میں 16 سالہ سیاہ فام نوجوان کو غلط گھر کی بیل بجانے پر گھر کے مالک نے گولیاں مار دیں۔ غیرملکی میڈیا کے مطابق گزشتہ ہفتے رالف پال نامی نوجوان نے اپنے چھوٹے جڑواں بھائیوں کو دوست کے گھر سے واپس گھر لے جانے کیلئے ایک غلط گھر کی بیل بجادی تھی۔ رپورٹس کے مطابق گھر میں موجود 85 سالہ سفید فام بزرگ نے سیاہ فام نوجوان کو 2 گولیاں ماریں جس سے وہ شدید زخمی ہوگیا تھا۔ غیرملکی میڈیا کے مطابق سفید فام شہری کو 24 گھنٹے سے بھی کم وقت کے لیے حراست میں رکھ کر چھوڑ دیا گیا۔ وائٹ ہاوس نے کہا ہے کہ صدر جو بائیڈن نے یارل سے فون پر بات کی ہے اور اس کی جلد صحت یابی کی امید کا اظہار کیاہے۔ غیرملکی میڈیا کے مطابق اس واقعے نے ایک مرتبہ پھر امریکا میں سیاہ فام کمیونٹی میں غم و غصے کو جنم دیا ہے کیونکہ ماضی میں کئی مرتبہ سیاہ فام کمیونٹی کے خلاف نفرت اور تشدد کیواقعات ہوچکے ہیں۔