چیئرمین پی سی بی سے کپتان ‘ہیڈ کوچ ‘سینئر منیجر و سلیکٹر کی ملاقات 

لاہور(سپورٹس رپورٹر)پاکستان کرکٹ بورڈ کے چیئرمین محسن نقوی سے پاکستان ٹیم کے آفیشلز نے اسلام آباد میں ملاقات کی جس میں پاکستان‘ نیوزی لینڈ سیریز کے حوالے سے گفتگو کی گئی۔ کپتان بابر اعظم، ہیڈ کوچ اظہر محمود اور سینئر منیجر و سلیکٹر وہاب ریاض ملاقات کرنے والوں میں شامل تھے۔اس موقع پر ٹیم آفیشلز نے چیئرمین محسن نقوی کو سیریز کی پلاننگ کے حوالے سے تفصیلی آگاہ کیا۔محسن نقوی نے ٹیم آفیشلز کو نیوزی لینڈ کو آسان حریف نہ سمجھنے کا کہا اور انہوں نے ہوم سیریز میں کامیابی کیلئے نیک خواہشات کا اظہار کیا۔محسن نقوی نے کہا کہ انہیں اعتماد ہے کہ پاکستان ٹیم اچھی کارکردگی کا مظاہرہ کریگی۔