لاہور(نامہ نگار)صوبہ بھرمیں گزشتہ 24 گھنٹوں کے دوران 1237ٹریفک حادثات میں 8افراد جاں بحق جبکہ 1338زخمی ہوئے ہیں۔ حادثات میں 691ڈرائیوز،34کم عمرڈرائیور، 496مسافراور159پیدل چلنے والے افراد متاثر ہوئے۔ لاہور 266متاثرین کیساتھ پہلے،فیصل آباد 79حادثات میں 92متاثرین کیساتھ دوسرے جبکہ ملتان70حادثات میں 78متاثرین کیساتھ تیسرے نمبرپررہا۔ کل1346متاثرین میں 1049مرد اور297خواتین شامل ہیں۔زخمیوں میں 244افراد کی اوسط عمر18سال سے کم اور686افراد کی اوسط عمر 18سے 40سال کے درمیان جبکہ416زخمی افراد کی اوسط عمر 40سال سے زائد ہے۔