پنجاب سیف سٹیز اتھارٹی نے لڑکی کو بلیک میل کرنے والا لڑکا گرفتار کروا دیا

لاہور(نامہ نگار)پنجاب سیف سٹیز اتھارٹی کو 15 ایمرجنسی ہیلپ لائن پر متاثرہ لڑکی کی کال موصول ہوئی۔لڑکی نے ملزم کی جانب سے ہراسگی اور بلیک میلنگ کی شکایت درج کروائی۔بلیک میلر لڑکے نے ٹک ٹاک پر لڑکی کی ویڈیوز اپ لوڈ کی تھیں اور اسے جان سے مارنے کی دھمکیاں بھی دیں۔سیف سٹی ٹیم لڑکی کی شکایت پر فوری کارروائی عمل میں لائی اور متاثرہ لڑکی کو کیمروں سے لائیو مانیٹر کیا جاتا رہا۔سیف سٹی کیمروں سے ملزم کو ٹریس کرنے کے بعد کوٹ لکھپت پولیس کو موقع پر بھجوایا گیا اور ملزم کی گرفتاری عمل میں لائی گئی ۔