لاہور(خصوصی نامہ نگار) رسول اللہؐ کے پیارے چچا پیکر شجاعت شیر اسلام سید الشہدا ء حضرت سیدنا امیر حمزہ کے کرادار افکار تعلیمات اور شجاعت و سیرت کو اجاگر کرنے کیلئے سالانہ محفل 27 اپریل بعد عصر کو جامع مسجد سیدہ آمنہ حسن ٹائون منعقد ہوگی۔ بانی محفل پیر غلام رسول قصوری چشتی کے مطابق محفل کی صدارت پیر طریقت اسرار الحق چشتی نظامی کریں گے۔ عالمی مبلغ علامہ پیر محمد اجمل رضا قادری علامہ محمد قاسم علوی سمیت علماء کرام سیدنا امیر حمزہ کی سیرت اور آپکے کردار و شجاعت پر روشنی ڈالیں گے۔شہر بھر سے علماء کرام اور آئمہ مساجد خصوصی شرکت کریں گے۔ محفل کی نقابت قاری ابوبکر چشتی کریں گے۔