عوام سے رابطہ رکھیں، بلاول کی ارکان پارلیمنٹ کو ہدایت

لاہور (نامہ نگار) بلاول بھٹو  سے زرداری ہاؤس اسلام آباد میں بھٹو فاؤنڈیشن کے چیئرمین بشیر ریاض نے ملاقات کی۔ ملاقات کے دوران  آصفہ بھٹو زرداری بھی موجود تھیں۔ بشیر ریاض جو بھٹو خاندان کے دیرینہ دوست ہیں نے بی بی آصفہ بھٹو زرداری کو قومی اسمبلی کی رکن منتخب ہونے اور حلف اٹھانے پر مبارکباد پیش کی۔  بلاول  سے راجہ پرویز اشرف، راجہ خرم پرویز اشرف، فیصل کریم کنڈی، فرزند علی وزیر، سینیٹر سلیم مانڈوی والا،  مسعود حسن،  میر غلام علی تالپور،  علی جان مزاری،  نصرت رفیق مہیسر  نے ملاقات کی۔ چیئرمین پیپلزپارٹی کو سینیٹر سلیم مانڈوی والا نے سینٹ کی صورتحال کے حوالے سے بریفنگ دی جبکہ چیئرمین پیپلزپارٹی نے پاکستان پیپلزپارٹی سے تعلق رکھنے والے ارکان پارلیمنٹ کو ہدایت کی کہ وہ اپنے حلقوں میں عوام کے ساتھ قریبی رابطہ رکھیںاور ان کے مسائل حل کریں۔