نارنگ منڈی (نمائندہ نوائے وقت) ماہ رمضان گزرتے ہی سوئی گیس کی بندش کا سلسلہ پھر شروع ہو گیا۔ کھانا پکانے کے اوقات میں سوئی گیس بندکر دی جاتی ہے۔ امور خانہ داری میںمشکلات کا سامنا، خواتین سمیت شہریوں کا شدید احتجاج۔ تفصیل کے مطابق نارنگ شہر میں سوئی گیس کی بندش کا سلسلہ شروع کر دیا گیا جس سے گھریلو زندگی مفلوج ہو کر رہ گئی۔ سوئی نادرن گیس وہی روش اپناتے ہوئے سوئی گیس نایاب کرتے ہوئے کھانا پکانے کے اوقات میں سوئی گیس مکمل بند کر دی جاتی ہے جس سے معمولات زندگی متاثر ہوکر رہ گئے ہیں۔ بھاری بل بھیج دئیے جاتے ہیں جب کہ سوئی گیس میسر نہیں ہے تو بل کس چیز کا جمع کروائیں۔