گکھڑمنڈی(نامہ نگار)موٹر سائیکل سوار تین ڈاکوئوں نے ڈکیتی کی واردات میں موٹر سائیکل چھیننے کی کوشش میں مزاحمت کرنے پر 16سالہ لڑکے کو پسٹل کی گولیاں مار کر زخمی کردیا۔ ملزمان فرارہوگئے نواحی گائوں بدوکی گوسائیاں کے راشد حسین کا 16سالہ بھائی امیر حمزہ اپنے کزن عاطف وڑائچ اور بھتیجے موسیٰ کے ہمراہ شام ساڑھے سات بجے موٹر سائیکل پر راہوالی سے واپس جارہے تھے کہ سیم نالہ کے قریب عقب سے آنے والے تین موٹر سائیکل سوار ڈاکوئوں نے موٹر سائیکل چھیننے کی کوشش کی مزاحمت کرنے پر ملزمان نے امیر حمزہ کی ٹانگوں پر فائر مار کر شدید زخمی کردیا۔پولیس نے مقدمہ درج کرلیا۔