نوشہرہ ورکاں:تیزرفتار وین نے 10 سالہ بچے کو کچل دیا،موٹرسائیکل تصادم میں 2 افراد زخمی 

نوشہرہ ورکاں(نامہ نگار+نمائندہ نوائے وقت )تیزرفتار مزدا وین نے دس سالہ بچے کو کچل دیا۔موٹرسائیکل تصادم میں دو افراد شدید زخمی ،بتایا گیا ہے کہ نواحی گاؤں لالہ پور میں لوڈر مزدا کی زد میں آنے سے دس سالہ بچہ جاں بحق ہوگیا گوجرانوالہ کا رہائشی اکمل نامی شخص اپنی فیملی کے ہمراہ فیصل آباد سے واپس اپنے گھر آرہا تھا کہ لالہ پور گاؤں مین سٹاپ پر اپنے دس سالہ بیٹے اجمل کو پانی کی بوتل لینے بھیجا اکمل پانی کی بوتل لے کے سڑک کراس کرتے ہوئے لوڈر مزدہ کی زد میں آگیا اور بری طرح سے کچلا گیا ۔اطلاع ملنے پر ریسکیو 1122 کی ٹیم بروقت پہنچی لیکن اکمل زندگی کی بازی ہار چکا تھا۔ علاوہ ازیں گوجرانوالہ شیخوپورہ روڈ پر ڈیرہ بابا عبداللہ کیقریب موٹر سائیکل سوار مزمل بخاری ساکن جیدچک اور عمران ساکن قبولہ موٹرسائیکلوں کے درمیان تصادم ہونے سے شدیدزخمی ہوگئے۔ زخمی عمران ون وے کی خلاف ورزی کرتے ہوئے مخالف سمت سے آنے والی موٹرسائیکل سے ٹکرایا واضح رہے کہ بیگ پور کے قریب بااثر افراد نے روڈ کی درمیانی دیوار توڑ کر ڈیروں پر جانے کے لیے راستے بنا رکھے ہیں جو آئے روز حادثات کاسبب بن رہے ہیں ۔