حافظ آباد (نمائندہ نوائے وقت)ڈپٹی کمشنر سند س ارشاد نے زیر تعمیر یونیورسٹی آف حافظ آباد ،نئے ڈی ایچ کیو ہسپتال ، میوزیم اور ٹراماسنٹر کا دورہ کر تے ہوئے وہاں جاری تعمیر اتی کاموں کا جائزہ لیا۔ تعمیر و ترقی اور عوامی فلاح و بہبود کے لیے شروع کیے جانے والے ان اہم منصوبہ جات کو کوالٹی کے مطابق بروقت مکمل کرنے کی ہدایت کی تا کہ لوگ ان میگا پراجیکٹ سے استفادہ حاصل کر سکیں۔ڈپٹی ڈائریکٹر ڈویلپمنٹ تصور عباس ، دیگر افسران بھی انکے ہمراہ تھے ۔ یونیورسٹی آ ف حافظ آباد کی سائٹ کا دورہ کر تے ہوئے وہاں جاری تعمیراتی کام کا جائزہ لیااور ہدایت کی کہ حکومت کی جانب سے دستیاب فنڈز کو مقرر ہ مدت میں استعمال کر تے ہوئے اس اہم منصوبہ کو جلد پایہ تکمیل تک پہنچایا جائے ۔