خواتین کو معاشی طور پر بااختیار بنانا معاشرے کی ترقی کیلئے ضروری ہے،نیلوفر بختیار

اسلام آباد(خبرنگار)چیئرپرسن این سی ایس ڈبلیو، محترمہ نیلوفر بختیار نے کہاہے کہ خواتین کو معاشی طور پر بااختیار بنانا ہمارے معاشرے کی ترقی کے لیے بہت ضروری ہے۔ اس عید ملن پر تجارتی میلے جیسی تقریبات اور ان تقریبات کی نمایاں شراکت داروں کے ذریعے، ہم خواتین کاروباریوں کو ان کی مہارتوں کو بڑھانے، اپنے کاروبار کو بہتر کیے جانے اور معیشت میں حصہ ڈالنے کے مواقع فراہم کر رہے ہیں۔ خواتین کاروباریوں کی حمایت کرکے، ہم ایک زیادہ جامع اور پائیدار معیشت تشکیل دے سکتے ہیں۔ اس طرح کے تجارتی میلے خواتین کو نیٹ ورکس اور ترقی کے مواقع فراہم کیے جانے کی کوششوں کی معترف ہیں ان خیالات کا اظہار انہوں نے نیشنل کمیشن آن دی سٹیٹس آف ویمن (NCSW) نے اسلام آباد چیمبر آف کامرس اینڈ انڈسٹری (ICCI) کے تعاون سے منعقد تقریب سے خطاب میں کیا تقریب کا مقصد عید ملن اور تجارتی میلے کے شرکا میں سرٹیفکیٹ کی تقسیم تھا۔ عید کے جذبے کا جشن منایا گیا اور تجارتی میلے کے چیمپئنز کو مختلف شعبوں کی مختلف مصنوعات اور خدمات کی نمائش کے لیے ایوارڈ سے نوازا گیا۔ ان سرٹیفیکیٹس میں شرکا کی شاندار شراکت اور کامیابیوں کو تسلیم کیا گیا، جو مقامی کمیونٹی میں انٹرپرینیورشپ اور جدت کی حوصلہ افزائی کرتے ہیں اس موقع پر مہمان خصوصی کے طور پر یو این وومن کے نمائندہ براے پاکستان لینسانا وننہ نے کہا کہ تجارت اور تجارت میں خواتین کو بااختیار بنانے کی اہمیت الفاظ سے بہت بڑھ کر ہے۔ ہمیں خود، معاشرے اور ملک و قوم کی ترقی چاہیے تو ہم پر لازم ہے کہ اپنی خواتین کو با اختیار کیا جاے۔ خواتین کی صلاحیتوں کو نکھارنے کے لیے ٹیکنیکل ایجوکیشن سمیت مختلف شعبہ ہائے زندگی میں خواتین کو نمایاں ترقی کے موافق مواقعوں کی فراہمی کو ہمیں یقینی بنانا ہے۔ ہم مقابلے میں خواتین کو پیچھے چھوڑ دینے کے بجائے انہیں اپنے ہم قدم اور خود سے ایک قدم آگے رکھنے میں فخر محسوس کریں تو کیا ہی بات ہو۔