شہباز شریف کا انٹرنیشنل ڈبیٹنگ کا مقابلہ جیتنے والے طلباءسے دلچسپ مکالمہ، مبارکباد

لاہور (خصوصی رپورٹر) وزیراعلیٰ پنجاب محمدشہبازشریف نے انٹرنیشنل ڈبیٹنگ کا مقابلہ جیتنے والے طلبا کے ساتھ دلچسپ انداز میں مکالمہ کیا۔ وزیراعلیٰ فرداً فرداً تمام طلبا اور ان کے کوچ کے پاس گئے اور گرمجوشی کے ساتھ سب کے ساتھ ہاتھ ملا کر مبارکباد دی۔ وزیراعلیٰ نے مقابلہ جیتنے والے طالب علموں احمد شجان اور عظیم لیاقت سے ان کی تقریر بھی سنی جو کہ پاکستان میں ہونے والی دہشت گردی کے حوالے سے تھی۔ وزیراعلیٰ نے طلبا کی صلاحیتوں کی تعریف کی اور ان کے ساتھ پنجابی میں بھی گفتگو کی۔ وزیراعلیٰ نے مقابلہ جیتنے والے طلبا کو پاکستان کا"ینگ سٹار" قرار دیا۔